Բացվեց «Վերադարձ» խորագրով ցուցահանդեսը, որի հասույթը փոխանցվելու է վիրավոր զինվորին

13567386_1155677317809476_3671984521970457664_n Հուլիսի 1-ին Հայաստանի բնության պետական թանգարանում բացվեց «Վերադարձ» խորագրով նկարների ցուցահանդեսը, որի հասույթը տրամադրվելու է քառօրյա պատերազմում վիրավորված զինվոր Շանթ Ղազարյանի ընտանիքին:

 

«Վերադարձ» խորագիրը, որն ընտրել ենք, մեր հոգու ճիչն է, կանչը: Արդեն երկար տարիներ ապրելով Մոսկվայում՝ ամեն դեպքում մենք երազում ենք այն օրվա մասին, երբ վերջնական կվերադառնանք Հայաստան»,- լրագրողների հետ զրույցում նշեց նկարչուհի, ռեստավրատոր Ասյա Հակոբյանը:

 

Հարցին, թե ինչու որոշվեց գումարը փոխանցել հենց Շանթին ու իր ընտանիքին, նկարչուհին ասաց, որ ի սկզբանե նպատակ է եղել ցուցահանդեսը նվիրել ապրիլյան քառօրյա պատերազմում վիրավորված զինվորներին, և մի պատահական հանդիպումն առիթ է դարձել հենց Շանթին ընտրելու.

 

«Մի անգամ ես ու Նելլին քայլում էինք փողոցով և հանդիպեցինք Շանթին: Նա հաշմանդամի սայլակում էր ու շատ բարի աչքեր ուներ: Չկարողացանք անտարբեր անցնել. մոտեցանք, զրուցեցինք: Նա չէր խոսում չարացած, նա խոսում էր հպարտությամբ, որ վտանգել է կյանքը, կորցրել է առողջությունը՝ հանուն հայրենիքի պաշտպանության, ու ասում էր, որ դա կանի ևս մեկ անգամ, եթե դրա կարիքը լինի: Մենք մտածեցինք՝ եթե ուզում ենք օգնել զինվորին, ուրեմն ինչո՞ւ ոչ Շանթը: Ի դեպ՝ ցուցահանդեսը լինելու է նաև Հայաստանի մի շարք այլ քաղաքներում՝ Գորիս, Սիսիան, Վանաձոր, Գյումրի, Օշական և այլուր»,- ասաց տիկին Հակոբյանը:

 

ՌԴ նկարիչների միության անդամ Նելլի Դանիելյանն էլ իր հերթին նկատեց՝ յուրաքանչյուր հայ պետք է գիտակցի, որ հայրենիքը սկսվում է իրենից. «Ապրելով օտար երկրում՝ մենք չէինք կարող անտարբեր անցնել ապրիլյան քառօրյա պատերազմի կողքով: Ապրումները, որ ունեցանք, իսկապես շատ ծանր էին, բառերով նկարագրելն անհնար է, և մեր ցուցահանդեսի հիմնական նպատակն է այդ պատերազմում վիրավորված զինվորին՝ Շանթ Ղազարյանին օգնելը:

 

Ինքս աշխատում եմ տարբեր ոճերում, տարբեր ժանրերում՝ սկսած գեղանկարից, վերջացրած հին ավանդական կարպետով և գոբելենով: Այս անգամ հայրենիք եմ բերել հոգևոր թեմաներով արված աշխատանքներ, իսկ տեխնիկան՝ բատիկ»,- հավելեց նա:

 

Մանրամասները՝ մեր ֆոտոշարքում.

 

13620818_1155677517809456_725075617220472791_n 13590318_1155677181142823_7143318341233623385_n 13599763_1155677884476086_5495958610033131414_n 13567463_1155677521142789_6841855983529810373_n 13590485_1155677601142781_9028660525624699738_n 13592590_1155677537809454_4618794712731574470_n 13626472_1155677164476158_3438947459903980728_n 13606721_1155677627809445_2653650642817938828_n 13627050_1155677534476121_4843171012708412115_n 13606728_1155677174476157_6818940844590390062_n 13620091_1155677621142779_313943408527165182_n 13615507_1155677177809490_7663393783792695152_n 13615326_1155677364476138_582858065617902971_n 13615266_1155677367809471_6202951602062003062_n 13606740_1155677167809491_4622702558765379558_n 13626622_1155677807809427_421740647824498331_n 13620918_1155677354476139_4578025440922122441_n 13567386_1155677317809476_3671984521970457664_n 13557682_1155677624476112_563652926183262021_n 13439059_1155677161142825_3229992561195201092_n 13631401_1155677824476092_294034783339172602_n

 

 

 

Հետևեք նաև Yerevanlife.am-ի ֆեյսբուքյան էջին՝  լրահոսին ծանոթանալու և թարմացվող տեղեկատվություն ստանալու համար

 

Թողնել պատասխան

Ձեր էլ-փոստի հասցեն չի հրատարակվելու։ Պարտադիր դաշտերը նշված են *-ով